Bilaketa orokorra
Edukiak motaka ikusi
Ongi etorri
Welcome to the bertsolaritza information centre. Please, contact us for further information.
In the news
- Bazterreko bertsolaritza erdigunean egon dadin 2026-04-12, Berria
- Iñaki Viñaspre: "Bertsoetatik gehien gustatzen zaidana publikoarekin ematen den komunikazioa da" 2026-04-11, Diario de Noticias de Álava
- Iñaki Viñaspre: "Elkar eusten aritu ginen, eta plazera izan zen haiekin kantatzea" 2026-04-05, Argia
- Ikusi gehiago
BDB today
2011-02-27 Gernika-Lumo
A. Arzallus: Ai ukabil itxia gure metafora zer gordetzen dun jakin nahi nuke gustora. Maitasunan indarra zen gure lehen proba oain maitasuna behera ta indarra gora. Igual biak galtzea hobe izango da. (bis) A. Estiballes: Orain bost urte hasi ginenak hain alai egoera narrastu egin da nolanahi. Ez nuen uste nintzenik hau egiteko gai. Neu ere beldurtu naiz egon zaitez lasai altxatu egin dut baina ez nuen altxatu nahi. (bis) A. Arzallus: Ukabilen malkoak begitan distira zaila da pasatzea orain boz eztira lau begiak gelditu baikara begira nik neuk ere ez zaitut deabrutzen tira maskulinidadean reflejoak dira. (bis) A. Estiballes: Lehen dena zeru urdin orain dena laino lehen dena zintzotasun gaur dena engaino. Ez zitzaigun gertatu sekula gaurdaino maite zintudan eta gorrotatu baino nola iritsi gara puntu hontaraino? (bis) A. Arzallus: Bilakaera izan da tristea grabea nun dago arrazoia nun dago klabea? Idea bat badaukat hau al den bidea gelditu zaigu bat’e indarrik gabea haurtxoen amesteko kapazidadea. (bis) A. Estiballes: Amesgaizto bihurtu zaigu amets hura ukabila altxatuta ez nago gustura ta ulertzen dut zure beldur ta ardura ez dadila bihurtu hau inoiz ohitura. Maitasuna gorroto azkar bihurtu da. (bis) A. Arzallus: Bai lehenago ginenak hainbeste limurtzen nola joan garen zahartzen ta zahartuz zimurtzen. Ni ahaleginduko naiz pixka bat xamurtzen eta maitasun hau ez rutina bihurtzen. Zu saiatu zaitez ez ni berriz bildurtzen. (bis) A. Estiballes: Baten bakarrik pasa daiteke hau bizitzan ta orain ikusirik gu nola gabiltzan hobe ez jarraitzea gaur biok gerizan. Ukabila ere eman leike esku gisan tori bostekoa ta zoriontsu izan. (bis)
Azkoitia, Trino
Jaio 1946-06-16
Azkoitiko Martitte auzoko Urteaga baserrian (Gipuzkoa) jaio zen 1946ko ekainaren 16an. 1970eko hamarkadaren bigarren erdian heldu zen Getxora; euskara eskolak ematen aritu zen aldi batean, baina burdin salerosketa izan zuen langintza erretiroa hartu zuen arte. Xabier Amurizak bere teoria praktikan jartzeko Bizkaian sortu zen lehen Bertso Eskolako (Santutxu, 1979) partaidea izan zen Joserra Etxeberria, Joserra Bilbao, Iñaki Antiguedad, Koldo Tapia, Begoña Iturriza, Juanjo Basterra eta beste batzuekin batera. Hurrengo urtean, 1980an, Algortako bertsolari eskolako sortu zuen Andoni Iriondoren proposamenari kasu eginez, eta beronen laguntzarekin; bertako bertso-irakasle eta sustatzailea izan zen urte batzuetan, Algortako Bertso Eskolari (ALBE) lehen zutabeak jarriz. Bertsolaritzaren alor askotan jardun da orduz gero eta Bizkaian bertsozaletasuna indartzeko eragile aipagarrietakoa izan dela esan daiteke. Algortako Bertsolari Eskolaren sorreran eta hurrengo urtetan han egindako lanaz gain, bertso-epaile lanetan egindako ekarpena nabarmentzen da: Euskal Herriko Bertsozale Elkarteak antolatutako lehenengo Bertsolari Txapelketan hasi zan epaile lanetan, 1986 eta 1989ko Euskal Herriko Bertsolari Txapelketa Nagusiko mahaikide izan zen, eta Bizkaian eratutako txapelketa, lehiaketa eta sariketa ugarietako epaimahaikide izan da hurrengo bi hamarkadetan. Ondoren etorri diren guztiei oinarria jarriz, 1989ko Euskal Herriko Bertsolari Txapelketa Nagusiaren aurretik landu eta adostutako "Bertsoak epaitzeko erizpide nagusiak" irizpide sortaren egileetakoa da. UEUko Bertsolaritza saileko sailburu eta ikastaro antolatzaile izan zen 1980ko hamarkadan (1982-1986). AHOBI saria eman zion Algortako Bertso Eskolak (2010-12-12) bertsolaritza sustatzen eta bereziki Algortako Bertsolari Eskola sortzen egindako lana aitortzeko eta eskertzeko. 2023ko azaroaren 25ean zendu da, Algortan (Getxo, Bizkaia).
Amerikatik buelta eginda I
Ondo dator konparatzea doinu hau nola zerabilten "Pello Errotaren" garaietan AMERIKATIK BUELTA EGINDA..., eta orain nola darabilten HAMAIKA ALDIZ DAUKAZU LEHENDIK izenekoaren gisan, biak ala biak doinu berdinak baitira sustraiean. Lehen inongo etenik edo geldialdi gabeko jardunean, azkar kantatuaz eta orain astiroago pausaldi lasaiak eginaz. Hau joera orokorra dela esan genezake. 2017ko Txapelketa Nagusian Unai Agirrek behin baino gehiagotan erabili zuen agurra kantatzeko, 10eko handira luzatuta.
